Rawson

}}

de|bawd|250px|Magu defaid yn Rawson de|bawd|250px|Yr hen bont dros Afon Camwy, Rawson

Tref yn Nhalaith Chubut, yr Ariannin, yw Rawson (yn wreiddiol "Trerawson"), sy'n brifddinas y dalaith a sir (''departamento'') Rawson. Un o brifddinasoedd taleithiol lleiaf yr Ariannin yw hi, gyda phoblogaeth o ryw 25,000, a rhyw 122,000 o bobl yn byw yn y ''departamento''. Mae Rawson rhyw 1470 km o Buenos Aires a thua 7 km o'r môr ''(Playa Union)''.

Sylfaenwyd y dref ar 15 Medi 1865, gan Gymry o'r llong ''Mimosa''. Fe'i henwyd ar ôl Guillermo Rawson, gweinidog materion mewnol yr Ariannin ar y pryd, cefnogwr o gynllun y Wladfa Gymraeg. Adeiladwyd llawer o adeiladau llywodraethol newydd yn y 1970au, gan achosi i'r dref gael llysenw "Brasilia bach Patagonia" (''La Pequeña Brasilia de la Patagonia'').

Mae hinsawdd Rawson yn sych, gyda thymheredd o 0 °C i 15 °C ar gyfartaledd yn y gaeaf, 10 °C i 20 °C yn y gwanwyn a'r hydref, hyd at 38 °C yn yr haf. Darparwyd gan Wikipedia